على أي أساس تقبلك الجامعات الأمريكية؟
القبول في أمريكا ما يتحدد بالدرجات وحدها. من واقع تقديماتنا لثلاث دفعات، هذا وزن كل جزء من ملفك، ووش تحتاج تبيّنه فيه.
الدرجات الأكاديمية وزنه ١٠ بالمئة
المعدل، الشهادات، ودرجة SAT
هذا الجزء يفتح لك الباب أو يقفله، لكنه ما يميّزك. آلاف المتقدمين على نفس الجامعة عندهم معدل مثل معدلك أو أقوى، فالأرقام وحدها ما تصنع قبول.
وش يشوفون فيه
- هل أرقامك داخل نطاق قبول الجامعة أصلاً
- قوة موادك، مو معدلك فقط
- درجة SAT إذا كانت الجامعة تطلبها
- إثبات لغة معتمد
كيف يقيّمونه
معدلك يُقرأ في سياق مدرستك وبلدك، مو مقارنة بكل متقدمي العالم، وقوة موادك تُقرأ قبل الرقم نفسه. وأرقامك تشتغل كبوابة: إذا كانت داخل النطاق تنتقل للمرحلة اللي تتحدد فيها بقية ملفك، وإذا كانت برّاه ما يكمل القارئ.
دورنا في هذا الجزء
نرشّح لك جامعات معدلك ودرجتك يناسبون نطاق قبولها، فلا تحرق تقديماتك على جامعة أرقامها بعيدة عنك. وإذا ناقصك إثبات لغة، منصتنا للدولينقو تجهّزك له مجاناً.
المقال الشخصي وزنه ٤٠ بالمئة
Personal Statement
أثقل جزء في ملفك، وهو الشي الوحيد اللي ما أحد غيرك يملكه. نفس الأرقام مع مقال قوي تعطي قبولاً، ومع مقال عام تعطي رفض.
وش يشوفون فيه
- قصة حقيقية من حياتك، فيها لحظة تحوّل واضحة
- تفكيرك أنت وصوتك، مو نصيحة عامة ولا كلام مقتبس
- نمو تقدر تشوفه: كيف كنت قبل، وكيف صرت بعد
- ربط صادق بين قصتك وتخصصك، بدون مبالغة
كيف يقيّمونه
يُقرأ في دقائق، والسؤال في ذهن القارئ واحد: هل هذا الطالب يضيف شي للحرم الجامعي؟ العموميات والمبالغة والكلام المثالي يقتلون المقال أسرع من أي غلط لغوي.
دورنا في هذا الجزء
مختص يجلس معك ويستخرج قصتك من حياتك الحقيقية، ثم يكتبها ويراجعها معك أكثر من مرة حتى تصير تشبهك أنت وتوافق عليها. ما نكتب قصة ما عشتها.
الأنشطة وزنه ٣٠ بالمئة
عشر خانات في Common App
عشر خانات فقط، وكل خانة سطرين. المطلوب عمق مو كثرة، ونشاط واحد بأثر واضح أقوى من عشرة أنشطة حضور.
وش يشوفون فيه
- استمرارية على سنوات، مو نشاط شهر قبل التقديم
- دور قيادي أو مبادرة بدأتها بنفسك
- أثر تقدر تثبته برقم أو نتيجة
- صلة بينك وبين تخصصك
كيف يقيّمونها
الصياغة تفرق أكثر مما تتوقع. نفس النشاط يُقرأ ضعيف أو قوي حسب كتابته: «عضو في نادي» تختفي، و«درّبت ١٤ طالب على مدى سنتين» تبقى.
دورنا في هذا الجزء
نصيغ أنشطتك بالطريقة اللي تقرأها اللجنة، ونرتّبها بالأهم أولاً. وإذا أنشطتك قليلة، نقترح عليك أنشطة تناسب ملفك وتخصصك وتقدر تشتغل عليها قبل ما يقفل التقديم.
المقالات التكميلية وزنه ٢٠ بالمئة
Supplemental Essays
أسئلة خاصة بكل جامعة، وأشهرها «ليش هذا التخصص» و«ليش جامعتنا». تتغيّر كل سنة وتختلف بين كليات الجامعة نفسها.
وش يشوفون فيه
- دليل إنك درست هذه الجامعة بذاتها
- أسماء حقيقية: برامج، مواد، معامل، أساتذة
- سبب يخصك أنت، مو سبب يصلح لأي أحد
- التزام بعدد الكلمات المطلوب
كيف يقيّمونها
الجواب اللي يصلح لأي جامعة يُقرأ كأنك ما تهتم بهذه الجامعة، وهذا وحده يسقّط طلبات ملفها أقوى من غيرها. القالب المعاد واضح للقارئ من أول سطر.
دورنا في هذا الجزء
نكتب كل مقال تكميلي لكل جامعة على حدة، بمعلومات حقيقية عن برنامجها، وننسخ نص السؤال من طلب الجامعة نفسه لأن الأسئلة تتغيّر سنوياً. ما نعيد قالب واحد على كل الجامعات.
النسب تقديرنا من واقع تقديماتنا، مو نسب رسمية تنشرها الجامعات. تتغيّر شوي من جامعة لجامعة.